PHILIPPINE REVOLUTION WEBCENTRAL

81st IBPA: Tagaparnuay ken tagarakurak ti fake news!

Nadagsen a konkondenaren ti Alfredo Cesar, Jr. Command – NPA Ilocos Sur ti 81st IBPA ken PNP iti panangpardaya da iti NPA Ilocos Sur a ti rinaut da iti kallabes a “shabu laboratory” ken “explosives laboratory” kanu iti bantay a paset ti Brgy. Kaliwakiw, Salcedo ket kampo kanu ti NPA.

Desperado unayen ti 81st IBPA nga agaramid ti rason tapno maipapilit da a mangipasdek ti kampo da iti sakop ti ili a Salcedo a nabayagen a gungun-uden da. Ngem kadaytoy nga ar-aramiden da, ad-adda a makapungtot laeng ti umili, ta ammo ti amin a taga-Salcedo ken kabangibang nga ili a daytoy parparbo laeng dagiti militar. Nakakatkatawa ta ammo ti amin a bumaryo ti kunkunaen da a “laboratoryo” ket nabayagen a nailaeg a simple a kallapaw ti mannalon nga agum-uma idiay a paset ken marakrakraken daytoy . Iti insayangkat da a sinsinan a raid, negatibo met ti resulta na, kalaksidan dagiti linabsing da pay nga Standard Operating Procedure.

Saan tayon a masdaaw nu iti sumarsaruno nga al-aldaw ket adda manen ti iparammag ti 81st IBPA a napasamak a labanan iti paset ti Salcedo kas iti inaramid da a sinsinan a labanan wenno fake encounter idiay surong ti Karayan Sigay idi August 4, 2017, ken Poblacion Norte, Salcedo ken Daligan, Sta. Cruz idi Disyembre 2017.

Total failure ti “war on drugs” ti rehimeng US-Duterte. Pilpiliten nga aturen ti 81st IBPA ti naperdin nga imahe ni Duterte babaen kadaytoy a peke a raid. Saanen a mailibak a dagiti kadadakkelan a druglords iti pagilian ket dagiti met laeng asideg kenni Duterte a nangangato ti saad da iti turay ken kakabiagan a pakairamanan ti mismo nga anak na a ni Vice Mayor Polong Duterte. Kabayatan na, addan nasurok a 14,000 a katao a kaaduan ket marigrigat, ken adu kadagitoy ket menor de edad ti nabiktima ti extra-judicial killings nga aramid ti death squad ni Duterte ken agdua a tawenen tay kunana a 3-6 a bulan a panangparmek na ti illegal drugs ngem agtultuloy latta daytoy ta saan met a madusdusa dagitoy pudno a druglords . Daytoy ket nakakaskas-ang a ladawan ti kinaawan ti hustisya iti pagilian.

Labanan ken rippuogen ti pasismo ti rehimeng US-Duterte!
Labanan ti “Oplan Kapayapaan” a maskara ti pasismo ti rehimeng US-Duterte!
Paayen ti plano ti 81st IBPA nga agkampo iti sakop ti ili a Salcedo!
Sumampa iti New Peoples Army!

Topics: #AFPFakeNews

Latest statements

End martial law! Overthrow the US-Duterte regime! NOPPO-PNP Director Col. Rodulfo Castil, Nagpalapta sang Kabutigan Pagpaparusa ng BHB kay Eddie Embile Duterte “Noynoying” over US and China saber-rattling Mga Aksyong Militar sa BHB-NCMR, Tubag sa Pagpanabotahe sa Umalabot nga Hisgutanang Pangkalinaw tali sa GRP ug NDFP The Bangsamoro and the People of Mindanao Continue Suffer under Grievous Conditions AFP, tinuod nga tigsabotahe sa Kalinaw

Other statements by Saniata Maglaya, NPA-Ilocos Sur (Alfredo Cesar Command)

Kaugnay sa Gawagawang Labanan sa Brgy. Mabileg, Sigay, Ilocos Sur Ambush na Inilunsad ng ACC, Malaking Tagumpay!
Back to statements