PHILIPPINE REVOLUTION WEBCENTRAL

Mga Masupog nga Tinawo ni Mayor Magdaleno “Magsie” Peña sa Magallon Madinalag-on nga Ginsilotan sang NPA

Lubos nga gina-admiter sang NPA ang pagtiro kay Dave Vallente sa Brgy. Odiong, Moises Padilla sadtong Marso 30, 2018 sang gab-i. Si Dave isa sa mga masupog nga kontra-hublag kag BPAT sa Magallon. Masupog man nga asset sang AFP kag CIDG. Nagahupot sang mga illegal nga mga armas-luthang. Arogante ini nga nagapamahug kag nagapanaya-taya sa mga pumuluyo sa lugar gamit ang ini nga mga armas kag abusado sa iya poder bilang asset sang AFP, CIDG kag BPAT. Masami gid ginareklamo sang pumuluyo sa ila lugar bangud nagapalupok ini sang iya armas labi na gid kon mahubog. Tuyo sang NPA nga arestuhon siya dala ang “warrant of arrest” malapit sa ila puluy-an agud pa-atubangon ini sa Korte sang Pumuluyo apang nagdalagan rason nga napilitan sa pagtiro ang NPA arresting officers diin nag-igo sa iya paa.

Mabaskog man nga gina-angkon sang NPA ang pagsilot-patay kay anay 11th IBPA Staff/Sgt. Jose Joerito Amable kag anay Police Officer Alejandro Borres sadtong Abril 9, 2018 alas 6:25 sang gab-i sa Brgy. Bulad, Crossing Magallon, sakop sang Isabela, Negros Occidental.

Suno sa report sang mga NPA operating troops kag inisyal nga pagpangusisa sang LPC Investigative Team upod sa NPA-Front Operational Command dira sa mga residente, matapos nga natumba na si Borres kag Amable, wala na nakumpiska sang NPA ang mga armas sang duha bangud sang asud-asod na nga mga lupok sang nagkalain-lain nga armas halin sa nakalapta nga mga elemento sang Civil Defense kag BPAT nga serbe “tactical security forces” ni Borres kag Amable sa nasambit nga lugar. Para makagwa ang NPA sa bulyom sang lupok gikan sa mga armas nga nakapuntariya sa ila, madasig ini nga nagmani-obra, hilway kag organisado nga naka-atras samtang mabatian pa sini ang linupok sang mga pusil sa sayt sang insidente.

Indi matuod nga NPA ang nakasamad sa 10 anyos nga bata kag kay Mr. Alvin Genterola. Indi man matuod nga NPA ang nagtiro-patay kay BPAT Federico Bitgue tungod antad lamang ini sa lamesa nga nahamtangan ni Borres kag Amable. Si Bitgue gilayon nga nagdalagan sang pagkabati sang lupok gikan sa NPA diin nakapuntariya lamang kay Borres kag Amable.

Ang matuod nga si Amable kag Borres lang ang legitimate military target sang NPA rason nga amo lang ang ginpalapitan kag ginpatuman ang pagsilot sa ila.

Indi man matuod nga mabuot kag reliyuso si Amable suno sa iya bayaw nga si Brgy. Kagawad Ma. Elmer Nillosan. Ang matuod, si Amable isa sa mga “think tanks” kag “militarist tactician” sa mga poderoso kag kontra-pumuluyo nga mga kalakasan ni Magsie Peña sa Hda. San Benito kag kakonsabo sa militarista nga pagpadalagan sang pamulitika sa bug-os nga Magallon bilang Civil Defense Security Head. Si Amable isa ka retired military officer apang tubtob subong aktibo pa nga intelligence officer sang 303rd BdePA. Masupog nga nagapangrekrut sang mga sibilyan kag ginapa-armasan sa pagdepensa sa seguridad ni Magsie Peña, paglagas sa NPA, pagpamahug kag pagdingot sa mga kasumpong ni Peña sa pulitika. Ang pagkareliyuso ni Amable panggwa lamang apang ang esensya “Lubo sa tunga sang mga Karnero.”

Samtang si Retired PNP Officer Alejandro Borres isa man sa mga salaligan nga tinawo ni Peña sa Magallon. Kakonsabo man siya sa mga kabulastugan nga gawi kag kontra-hublag nga mga lihok ni Peña kag Amable sa Moises Padilla. Nagapangrekrut man siya sang BPAT lakip na ang iya kaugalingon nga anak nga sa subong nagpakita man sang pagkasupog.

Aktwal sina nga panahon, sa pihak sang madamo kag nagapalibot nga armadong Civil Defense Security, BPAT lakip na ang presensya sang mapintas kag kriminal nga tirador ni Peña nga si Regie Lopez sa lugar, ginadayaw sang LPC-NPA ang wala mapunggan, pursigido, maisog kag maalam nga paggamit sang inisyatiba, pleksibilidad kag taktika sang NPA lamang mahatag ang nagakaigo nga hustisya sa mga biktima batok sa mga kontra-pumuluyo kag kontra-hublag nga mga kalakasan sang Civil Defense Security kag Barangay Peace-keeping Action Team (BPAT) sa mando sang poderoso kag despotiko nga Mayor Magsie Peña sang Moises Padilla.

Gina-athag man sang LPC-BHB nga indi tanan nga mga katapo sang Civil Defense Security, BPAT kag mga tinawo ni Peña sa Magallon kaaway kag target sang NPA. Kundi ato lamang ang may mga utang nga dugo, poderoso kag may mga krimen sa pumuluyo.

Sa pihak nga bahin, dapat hangpon man ni Vice Gov. Bong Lacson sang Kapitolyo Probinsyal ang “Status of Belligerency” diin ang CPP-NPA-NDF kag bug-os nga rebolusyonaryong hublag may determinasyon kag prinsipyo dira sa tunay nga pag-alagad sa pumuluyo. May kaugalingon nga teritoryo, lehitimo nga rebolusyonaryong gobyerno, may programa, linya kag konstitusyon. Labaw sa tanan, indi basta-basta na lang nga diktahan kag ihigot sa mga kondisyones nga nagapabor sa isa lamang ka bahin, labi na gid sa makinaugalingon nga kagustuhan sang AFP kag ni diktador US-Digong Duterte.

Daan kag damlag pa, kahibalo na ang bug-os nga rebolusyonaryong hublag ilabe na ang CPP-NPA-NDF sa mga “duso-butong” kag “gwa-sulod” nga mga desisyon kag palayag ni Digong.

Dapat, ang kahangaw-an pa ni Bise-gobernador Lacson ang madugay na nga naga-antus nga pumuluyo sa kawad-on sang duta, palangabuhian, hustisya-sosyal kag kakulang sang serbisyo-sosyal gikan sa gobyerno ilabe na gid sa gobyerno probinsyal sang Negros Occidental.

Topics: 

Latest statements

NDFP-SMR rejects localized peace talks CPP to Malacañang: “A ‘no’ is a no” Pagbayarin nang mahal ang pasistang AFP at mga asset nila! Paigtingin at ipagtagumpay ang demokratikong rebolusyong bayan! Localized peace talks will fail CPP rejects Duterte ‘localized peace talks’ On the alleged NPA “purging” in North Cotabato The mad tyrant and his DDS are on the loose!

Other statements by JB Regalado, NPA-Central Negros (Leonardo Panaligan Command)

Col. Alberto Desoyo sang 303rd BdePA, Naglubid sang mga Kabutigan kag Pagpatalang Druglords sa Guihulngan kag Bug-os nga Negros Oriental Protektado sang PNP kag AFP Ginatanyag nga “Peacetalk” ni Duterte sa CPP-NPA-NDF Lunsay Pasalig kag Pagpanginto Sindikato kag Druglord sa Guihulngan kag Cebu Ginreyd sang NPA Militarisasyon sa Central Negros Ginakondenar sang NPA NOPPO-PNP Director Col. Rodulfo Castil, Nagpalapta sang Kabutigan NPA-Nagasigahum sang Mataas pa nga Porma sang Pagsilot kay Dr. Binco
Back to statements