PHILIPPINE REVOLUTION WEBCENTRAL

NPA: bigyang puwang ang kapayapaan

Todo largang gera ni Duterte, nananalasa na!

Kung totoong umaasa ang chief peace negotiator ng gubyerno ng Pilipinas na makakamit pa ang kapayapaan sa mga komunista, dapat niyang sabihan ang amo niya na bawiin ang bansag na terorista at todo-largang gyera nito laban sa CPP-NPA.

Ganito ang naging reaksyon ni Ka Cleo del Mundo, tagapagsalita ng Apolonio Mendoza Command-New People’s Army-Quezon sa pahayag ni Labor Secretary Silvestre Bello III na punong negosyador sa natigil na peace talks sa pagitan ng GPH at National Democratic Front of the Philippines.

“Ang problema ay lasing na lasing si Duterte sa kapangyarihan kaya nag-aakala siyang maaring daanin sa paninindak ang rebolusyunaryong kilusan para mapasunod sa kapritso nya,” pagdidiin ni Ka Cleo.

“Kung kaya kahit anong mabuting intensyon ang ipakita ng kagaya ni Bello, mababalewala lamang ito dahil sa insesiridad ng bang-aw na si Duterte.”

Ayon kay Ka Cleo, nagsimula nang manalasa ang full scale war ni Duterte sa lalawigan ng Quezon laban sa NPA. Sa kaniyang pahayag, mula pa noong isang linggo ay hindi bumaba sa laking kumpanyang sundalo ang nag-ooperasyon sa mga bayan ng Macalelon, Lopez at Gumaca.

Kaninang 12:45 ng tanghali ay nagkasagupa na ang isang yunit ng AMC-NPA at nagpapatrulyang sundalo ng 85th IBPA sa sityo Nalitakan, Barangay Cauayan sa bayan ng Gumaca.

Dalawang sundalo ang napaulat na patay sa labanan bukod pa ang mga sugatan habang wala namang kaswalti sa panig ng mga gerilya.

“Nananawagan kami sa mga kababayan namin na magkaisa at magpetisyon para sa agarang pagpapaalis ng mga militar sa komunidad ng magsasaka sa buong lalawigan,” apela ni Ka Cleo sa taumbayan.

“Ang pagpapaalis sa mga pasistang sundalo lamang ang tanging paraan para masigurong magkakaroon ng puwang ang kapayapaan lalo ngayong Kapaskuhan.”#

Topics: Militarization , #US-Duterte

Latest statements

Padulong sa iyang pagkahugno ang pintas-sa-kababayen-ang diktador nga si Rodrigo Duterte Duterte’s war against Lumad intensifies in Southern Mindanao, NPA launches counter-attacks Rodrigo Duterte is a misogynistic tyrrant on his way to his downfall Nagkamangtas ang gyera ni Duterte batuk sa Lumad sa Southern Mindanao, kontra-atake gilunsad sa NPA 6 na elemento ng PNP-SAF sa Antipolo City, sugatan sa pananambang ng NPA-Rizal! Pagbati ng MGC sa opensibang militar NPA Rizal P25,000 bounty sa bawat Pulang mandirigma, desperadong hakbang ni Duterte

Other statements by Ka Cleo del Mundo, NPA-Quezon (Apolonio Mendoza Command)

Hinggil sa walang pakundangang paglapastangan ni Duterte sa mga babae Mga aksyong militar ng NPA sa Quezon sa buwan ng Enero Si Duterte ang Kontra-Kapayapaan Dalawang Matagumpay na Aksyong Pamamarusa ng NPA sa Quezon Kontra-rebolusyunaryo at Mapanghati ang Local Peace Talks na Ikinakampanya ng SOLCOM Kontra-rebolusyunaryo at Mapanghati ang Local Peace Talks na Ikinakampanya ng SOLCOM Ibaling ang Pamimighati sa Rebolusyunaryong Katapangan! Labanan at Biguin ang Anti-Mamamayang Oplan Kapayapaan ng AFP!: Pinakamataas na Pagpupugay at Parangal Para sa mga Tunay na Hukbo at Bayani ng Sambayanan!
Back to statements