Panabotahe sang 15th IBPA sa Mayo Uno nga Hublag Protesta sa Kabankalan City, Ginakondenar sang MCC-NPA

Lubos nga ginakondenar sang MCC-NPA ang garapalan nga pagpanabotahe sang nagpakilala nga katapo sang 15th IBPA nga si PFC Jonard Verga armado sang 45 cal pistol sang nadakpan ini nga nagapanguha sang mga litrato sa mga delegado sang nasambit nga hublag protesta sa Kabankalan City kahapon sang udto.

Maathag ini nga Human Rights Violation nga ginakomiter direkta sang AFP partikular na ang 15th IBPA sa pagpamuno ni Col. Tumalis sa pagsupreher sang dunang kinamatarung sang katawhan.

Ang malisyuso nga pagpanglitrato sa mga delegado nga wala sang kasugot sang mga natungdan isa ka klaro nga bayolasyon. Samtang, diin man ang matawhay nga naga-asembleya, redress of grievances kag pagpahayag sang ila mga demokratikong demanda isa ka pag-ehersisyo sang legal demokratikong kinamatarung upod ang maximum tolerance sa bahin sang authorities kag state security forces.

Segurado gid ang MCC nga gamiton naman ini sang AFP kag PNP ang mga nakuha sini nga litrato bilang ebidensya sa mga patu-pato nga kaso kriminal batok sa mga aktibista, lider masa kag iban pa nga demokratikong pwersa kag i-angot naman sa CPP-NPA-NDF kag iladlad sa mga lugar-publiko. Gamiton ini sa pagkondisyon sa huna-huna sang publiko sa pag-justify sang kampanyang red-tagging, political killings kag iban pa nga mga pakana tubtob sa pagpatuman sang extra judicial killings sang mapintas nga estado idalum sa kampanyang militar Oplan Kapayapaan sang US-Duterte nga rehimen.

Nadumduman si Atty. Benjamin Ramos sang NUPL ang kongkreto nga biktima sang extra judicial killings sa Kabankalan sang ginapatihan mga katapo sang state security forces sang nagligad nga tuig. Nadumduman man nga 2 ka enlisted personnels ang nagkaladakpan nga nagsunud-sunod sa mga katapo sang NUPL antis ginlubong si Atty Ben Ramos.

Bangud kay nabuking ang mga pakana ni Col. Tumalis, diversionary kag psywar ang pagpasibangud sa mga delegado nga kuno nagkastigo sa nagpakilala nga si PFC Jonard Verga sang 15th IBPA.

Wala sang iban pa ang nagasugid sang mga binutig kag pakana sang AFP ilabe na ni B/Gen. Benedict Arevalo sang 303rd BdePA kag daw mga idu-buang nga BATCOM sini kaangay ni Col. Tumalis sang 15th IBPA kundi ang ila lamang mga tinawo nga nagakaladakpan sa tion sang ila mga intel operations.

Padayon nga maghimakas kag indi magkahadlok! Hublasan ang mga tanan nga padugi kag pakana sang AFP kag US-Duterte nga rehimen! Isulong ang inaway banwa tubtob sa kadalag-an!