Demanda sa katawhan sa pagsilot sa kontra-rebolusyon ug malaing elemento, gisabat sa NPA!

 

Gisilotan sa usa ka team sa Mount Cansermon Command sa New People’s Army (MCC-NPA) niadtong Enero 29, 2019 si Cornelio Morales sa Barangay Carol-an, Kabankalan City, Negros Occidental. Kini gikalipay sa lumulupyo tungod dugay na nilang gidemanda ang hustisya sa mga krimen ni Morales batok sa katawhan.

Kadungan sa napulo ka tuig isip tanod sa Barangay Carol-an ang sobra na sab napulo ka tuig nga pagka kontra-lumulupyo ni Morales. Nagpatong-patong na ang iyang sala sa katahawhan. Usa siya ka sakop sa panatikong grupo nga natukod panahon pa sa rehimeng Cory Aquino nga naghatag og kadaot sa lumulupyong mag-uuma sa bukirong bahin sa Kabankalan City. Supog usab siya nga asset sa Armed Forces of the Philippines (AFP) ug Philippine National Police (PNP) ug adunay kalabot sa nahitabong encounter sa Sitio Nabali-an, Barangay Carol-an, Ayungon, Negros Oriental niadtong Oktubre 19, 2018. Dugang pa, sakop siya sa private armed group sa usa ka giila nga Mr. Trinidad nga despotiko nga agalong yutaan sa Carol-an, Kabankalan City nga gapangilog og yuta sa mga mag-uuma ug mga tumandok gamit ang National Greening Program (NGP) sa National Commission on Indigenous Peoples (NCIP). Gamit ang ilahang impluwensya, kwarta ug armas gipang-ilad nila ang inosenteng mag-uuma aron mailog ang yuta nga ilang gitikad sa dugay na nga panahon.

Sa pikas bahin, angayang bantayan ang pahayag sa Public Information Officer sa AFP niadtong Pebrero 17, 2019 nga kuno may upat na ka suspek nga pasakaan og kaso kasumpay sa nahitabo ni Morales. Dugay na nga polisiya sa AFP nga ipahid ngadto sa mga sibilyan ang giangkon na sa NPA nga pagpatuman sa rebolusyonaryong hustisya. Mahimong mabinantayon sa ala-SEMPO/Tokhang nga paagi sa brutal nga pagpatay ug pagpasaka og himo-himo nga kaso batok sa mga sibilyan ug lumulupyo nga gidudahan nila nga supporter sa NPA. Uban sa ilang gipakuyanap nga fake surrenderees ug fake news, kabahin na kini sa dirty war tactics sa AFP-PNP sa ilang desperasyon nga madugmok ang NPA. Busa kinahanglan nga andam ang katawhan sa Barangay Carol-an, Kabankalan City ug mga kasikbit nga lugar sa posibilidad sa laing hugna nga atake sa AFP-PNP batok sa katawhan.

Batukan ang pagpanglupig sa rehimeng Duterte gamit ang mersenaryo ug berdugo nga AFP-PNP!

Mabuhay ang rebolusyonaryong masa!

Mabuhay ang CPP-NPA-NDF!